Material recomendado.- Bastóns, gafas de sol, crema solar, roupa e calzado de montaña,
chuvasqueiro e crema solar. Comida e auga pra pasar o día
Sábado 5 de setembro: Comezaremos a camiñar dende a Aula da Natureza de Moreda do Courel (750 m), onde un panel indícanos o inicio da senda da
Devesa da Rogueira. Adentrarémonos polo bosque autóctono mellor conservado de Galicia, entre carballos, faias, acivros, bidueiros, etc. Continuaremos a ruta ata chegar á fonte do Cervo, onde da mesma rocha nacen cous manatiais: un de augas ferruxinosas e outro de augas calcáreas.
Continuaremos ata a Boca da Rogueira, pra logo acadar o cumio do monte Formigueiros (1.639 m).
Domingo 6 de setembro: Sairemos da Seara seguindo o rego de Forcas ata chegar ó pé do Formigueiros. Seguiremos ascendendo ata o cumio do Teso das Papoulas (1.603 m) e continuaremos ata a campa de Lucenza. Descenderemos ata a lagoa de Lucenza, de orixe glaciar.
Preto da Seara poderemos ver a cascada de Fócaro, de 30m de altura, e en poucos minutos chegaremos ata a aldea da Seara, exemplo de arquitectura típica da zona.